Thursday, February 26, 2009

'சிட்டி'சன்

நாரை நடக்கும்
குளத்தில்
நண்டு பிடிச்சதில்லை

முங்கு நீச்சல்
போட்டியில்
மூச்சுத் திணறியதில்லை

கண் பறிச்சு
வெல்லமிட்டு
வெடி தேங்கா தின்னதில்லை

அடுக்குப் பானை
அரிசி திருடி
ஆற்றுச் சோறு ஆக்கியதில்லை

ஆனாலும் சொல்கிறாய்
ஐயாம் லிவிங் என்று
- தாயம்மா



ஏ.......மனிதா....
எதிர்க்காற்று வீசும்
மேட்டுச் சாலையில்
பழைய மிதி வண்டியில்
கைப்பிள்ளையோடு
தனது மனைவியை
மூச்சிரைக்க
மிதித்துச் செல்பவனிடம்
கேட்டறிய வேண்டும்
இல்லறத்தின் பொருளை.



அமைதி
கோவிலுக்குப் போ என்றார்கள்
சர்ச்சுக்குப் போ என்றார்கள்
மசூதிக்குப் போ என்றார்கள்
பாருக்குப் போய் பீர் அடி என்றார்கள்
பீச்சுக்குப் போ என்றார்கள்
' என்ன சார் ஆச்சு ? '
பரிவோடு கேட்டான் இஸ்த்ரி முருகன் !
மனக்கவலை சொன்னேன்-
மருந்து போல் ஒரு வார்த்தை சொன்னான்
"வீட்டுக்கு போ வாத்தியாரே"
-கண்ணன்




No comments:

Post a Comment