பழனிபாரதி கவிதைகள்

உறைந்த நதி

எத்தனைப் பெண்கள்

கோலம் போட்டாலென்ன

எந்தப் பெண்ணுக்கும்

உன்னடைய விரல்கள் இல்லை

எத்தனைப் பெண்கள்

என்னைப் பார்த்தாலென்ன

எந்தப் பெண்ணுக்கும்

உன்னடைய கண்கள் இல்லை

எந்த நிழலிலும்

உன் ஆறுதல் இல்லை

எந்த வாழ்த்திலும்

உன் குரல் இல்லை

உனது கோலத்தில்

மையம் கொள்ளப்

பூத்திருக்கிறது பூசணி

உன்னை எதிர்பார்த்துக் காத்திருக்கிறது

விலைபோகாமல்

ஒரு பானை

நீராட நீ வராமல்

உறைந்து நிற்கிறது

நம் ஊர் நதி

நீதான்

சொல்லிக்கொள்ளாமலேயே

புறப்பட்டுவிட்டாய்

உனது ஊரிலாவது

கரும்புகள் இனித்தால்

ஒரு கடிதம் எழுது.

-பழனிபாரதி

தெரிந்துக்கொள்க தெரியப்படுத்துக

புரட்சி மொழிகள்

My CHE - Symbol Of Rebellion

அறிவுமதி கவிதைகள்

பிணப் பரிசோதனை
அய்யர் குடலிலும்
மலம்.
-அறிவுமதி

பறையர் சுடுகாடு
படையாட்சி சுடுகாடு
தலைமுழுக
ஒரே ஆறு.
-அறிவுமதி

மழைவிட்ட நேரம்
தேங்கிய நீரில்
முகம் பார்த்தது
தெருவிளக்கு.
-அறிவுமதி


இழந்த உயிர்களோ கணக்கில்லை
இருமிச் சாவதில் சிறப்பில்லை
இன்னும் என்னடா விளையாட்டு
எதிரி நரம்பிலே கொடியேற்று.

வீரத்தைக் குண்டுகள் துளைக்காது
வீரனைச் சரித்திரம் புதைக்காது
நாட்டை நினைக்கும் நெஞ்சங்கள்
வாடகை மூச்சில் வாழாது.!
-அறிவுமதி (சிறைச்சாலைக்காக)